Rev 2 | PONPDN | STEP | INTIN won tounlan en momodisou en Episus: let masan en i, me kolekoleta ni lim a pali maun usu isu, o me kin weweid nan pun en lamp kold isu.

Revelation of John 2

1 INTIN won tounlan en momodisou en Episus: let masan en i, me kolekoleta ni lim a pali maun usu isu, o me kin weweid nan pun en lamp kold isu. 2 I asa om wiawia kan, o om dodok, o om dadaurata, o duen om sota kin mauki me sued akan, o koe kasaui ir adar, me aka wanporon, a me so, ap diar ir ada me likam. 3 O koe kin kanonama on o kadokeki mar ai, ap sota panadar. 4 A iet me I suedeki re om: Koe muei saner tapin om limpok. 5 Koe ari tamanda, me koe pupe wei saner, o kalula, o kapwaiada wiawia en mas o; a ma so, I pan ko don uk, kasau wei san om lamp san ni deu a, ma koe sota kalula. 6 A iet me koe kin wia, koe kin suedeki wiawia en nain Nikolaus akan, me I pil kin suedeki. 7 Me salon a mia, i en ron, me Nen o masani on momodisou kan! Me dadaurata, I pan ki on i, en tunole san tuka en kamaur, me mi nan paradis en Kot. 8 Intin won tounlan en momodisou en Smirna: let masan en men mas o men mur, me melar ap mauredar. 9 I asa om kamekam, o om samama ari. so, koe me kapwapwa, o lalaue en ir, me kin inda, dene irail men Sus, a kaidin irail men Sus, pwe pwin en Satan eu. 10 Koe der masak, me koe pan kalokolokki. Kilan, tewil o pan kaselon on nan imaten akai komail, pwe komail en kasoneson, o komail pan kalokolok ran eisok. Dadaurata lel mela, I ap pan ki on uk mar en maur soutuk. 11 Me salon a mia, i en ron, me Nen o masani on momodisou kan! Me dadaurata, sota pan kamekam kila mela kariau. 12 Intin won tounlan en momodisou en Perkamus: let masan en me na kodlas kon o au riau mia: 13 I asa, wasa koe kauson ia, ni wasan mol en Satan, o koe kin podidi on mar ai, o koe sota kamama kida om poson ia pil so ni ran oko, me Antipas, ai saunkadede melel men, kamekamelar nan pun omail, wasa Satan kin kauson ia. 14 A ekis tikitik ta, me I suedeki re om: Akai mi re om, me kin apwali lamalam en Pileam, me padaki on Palak, en kasedi on mon kadaudok en Israel kasapun par, ren tunole kisin man, me olu oner dikedik en ani kan, o ren nenek. 15 O pil akai mi re om, me pil apwali lamalam en nain Nikolaus akan. 16 Ari, kalula! A ma so, I pan madan won uk o pepei on irail ki kodlas en au ai. 17 Me salon a mia, i en ron, me Nen o masani on momodisou kan! Me dadaurata, I pan ki on i mana sosansal, o I pan ki on I takai puetepuet eu o nan takai mar kap intinidier, sota amen me dedeki, i eta, me pan ale. 18 Intin won tounlan en momodisou en Tiatira: let masan en me Sapwilim en Kot, me silan I rason umpul en kisiniai o aluwilu a rason pras linan. 19 I asa om wiawia kan, o om limpok, o om poson, o om papa, o om kanonama, o duen om wiawia men mur, me to to san men mas. 20 A iet me I suedeki re om: Koe kin mueid on li Isepel, me kin inda duen pein i, dene i saukop amen, me kin padaki o kotaue nai ladu kan, ren nenek, o ren tunole, me olu on dikedik en ani. 21 O I ki on i er ansau en kalula, a a kan kalukila a nenek. 22 Kilan, I pan kasedi i nan los, o irail me kin kamal re a, nan kamekam lapalap, ma re sota pan kalukila wiawia en Isepel akan. 23 O I pan kamekila na seri kan kamekam eu. Ari, momodisou karos pan asaki, me nai i, me kin ireron nan mudilik o monion kan, o I pan ki on amen amen komail iran omail wiawia kan. 24 A I indai on komail tei kan, me mi Tiatira, karos me sota apwali lamalam wet, me so dedeki widin en Satan, duen ar lokaia. I sota pan ki on komail eu katoutou pa ’mail. 25 A me mi re omail, kolekoleta, I lao pwarado. 26 O me dadaurata o me kanekid ai wiawia kan lel imwi, i me I pan kasapwilada pon wei kan. 27 A pan kaun kida ir sokon mata, due dal en saupal kin ola kaualap, o due I pil aleer mana san ren Sam ai, 28 I ap pan ki on i usu ran. 29 Me salon a mia, i en ron me Nen o masani on momodisou kan!